Category: Yangiliklar

Sharqiy harbiy okrug harbiy orkestr jamoasi tomonidan Farg'ona viloyati Qo'qon shahri bo'ylab qorbobolar kiyimida aholiga bayram kayfiyati ulashilmoqda. Shuningdek, tadbirlar davomida harbiy orkestr jamoasi tomonidan yangi yil archasi hamda aholi gavjum joylarda konsert dasturlarini ham namoyish etishmoqda.

Viloyat hokimining topshirig‘iga asosan, joriy yil 25 dekabrdan Namangan shahri va tumanlar markazlarida Yangi yil savdo yarmarkalari ish boshladi. Bugun erta tongdan Namangan viloyati hokimi Shavkatjon Abdurazzoqov Namangan shahridagi Istiqlol ko‘chasida tashkil etilgan yarmarka faoliyati bilan tanishdi. “Barkamol avlod” sport majmuasi oldida Namangan, Norin, Uychi, Uchqo‘rg‘on, Chortoq va Yangiqo‘rg‘on tumanlari tomonidan arzonlashtirilgan oziq-ovqat hamda qishloq xo‘jaligi mahsulotlari savdosi yo‘lga qo‘yilgan. Viloyat rahbari sotuvdagi mahsulotlar sifati va narx-navosiga e’tibor qaratdi. Ular hajmini ko‘paytirish, yurtdoshlarimizning Yangi yil dasturxoni to‘kin va fayzli bo‘lishi uchun barcha choralarni ko‘rish yuzasidan mutasaddilarga topshiriqlar berdi. Eslatib o‘tamiz, mazkur yarmarkalar 2024 yilning 5 yanvariga qadar davom etadi.

Sharqiy harbiy okrug qo‘shinlarida harbiy xizmatchilar tomonidan ikkinchi jahon urushi qatnashchilari, mustaqilligimizni taʼminlash yoʻlida jon fido qilgan yurt oʻglonlarining yaqinlari, mehnat faxriylarining holidan xabar olinmoqda. Jumladan, Farg‘ona garnizonidagi harbiy qism harbiy xizmatchilari tomonidan Oltiariq va Toshloq tumanida istiqomat qiluvchi urush faxriylari holidan xabar olishdi. Yoʻqlovga kelgan harbiy xizmatchilar tomonidan nuroniylar birlamchi tibbiy koʻrikdan oʻtkazilib, ularga zarur boʻlgan dori vositalari tarqatildi. Urush faxriylari oʻzlarining hayot yoʻllarini aytib, hozirgi tinchlikni qadriga yetish, shukronalik keltirish zarurligi haqida oʻz fikr mulohazalarini bildirdi. Harbiy xizmatchilarning tashrifidan mamnunligini aytib, yurtimiz tinchiligi abadiy bo‘lsin, deya qo‘llarini duoga ochdi

Namangan garnizonidagi harbiy qism tashkil etilgan kun munosabati bilan tantanali tadbir boʻlib oʻtdi. Unda Namangan viloyat hokimi Shavkatjon Abdurazzoqov, Sharqiy harbiy okrug qoʻshinlari qoʻmondoni general-mayor Aybek Saidov, faxriylar, Qurolli Kuchlar ishchi xizmatchilari, yoshlar hamda harbiy xizmatchilar ishtirok etdi. Tadbir davomida viloyat hokimi hamda okrug qoʻshinlari qoʻmondoni soʻzga chiqib, harbiy qism shaxsiy tarkibini qutlug‘ sana bilan samimiy tabrikladi. Sana munosabati bilan bir guruh harbiy xizmatchilar va Qurolli Kuchlar xizmatchilariga okrug qoʻshinlari qomondonining esdalik hamda qimmatbaho sovgʻalari topshirildi. Viloyat hokimi tomonidan ham ushbu harbiy qismga qimmatbaho sovgʻalar berildi. Shuningdek, mudofaa vazirining tegishli buyrugʻiga asosan Namangan viloyat hokimiga II darajali “Namunali xizmatlari uchun” koʻkrak nishoni okrug qoʻshinlari qoʻmondoni tomonidan tantanali topshirildi. Harbiy orkestr jamosining musiqiy chiqishlari, vatanparvarlik ruhidagi qoʻshiqlari tadbirga yanada koʻtarinkilik ulashdi.

Farg‘ona garnizonidagi harbiy qismda yangi lavozimlarga tayinlangan  ofitserlar  ishtirokidagi o‘quv-uslubiy yig‘inda hizmat faoliyatni to‘g‘ri tashkil qilish, ruhiy-psixologik holatlarni yengib o‘tish va aloqa tayyorgarligi bo‘yicha mashg‘ulotlar tashkil etildi. ▪️Mashg‘ulotlar davomida Sharqiy harbiy okrug qo‘shinlari qo‘mondonining o‘rinbosari va okrug psixologlari yosh ofitserlarga kasbiy bilim va ko‘nikmalar berish bilan bir qatorda psixologik treninglar ham o'tkazildi.

⚡️Fargʻona viloyati Qoʻqon shahridagi "Xudoyorxon" o‘rda maydonida “General va yoshlar uchrashuvi” boʻlib  oʻtdi. Unda Sharqiy harbiy okrug qoʻshinlari qoʻmondoni general-mayor Aybek Saidov, harbiy xizmatchilar,  viloyatning yuzdan ortiq yoshlari ishtirok etdi. Samimiy ruhda oʻtgan suhbatda okrug qoʻshinlari qoʻmondoni yoshlarni qiziqtirgan barcha savollarga javoblar berdi. Shuningdek, Qurolli Kuchlarimizda olib borilayotgan islohotlar  harbiy xizmatchilarga yaratilgan imkoniyatlar haqida batafsil maʼlumotlar berib oʻtdi. Tadbir soʻnggida bir guruh faol yoshlarga okrug qoʻshinlari qoʻmondonining esdalik sovgʻalari topshirildi.

▪️Andijon garnizonidagi harbiy qismda mustaqilligimizning 32 yillik bayrami oldidan "Yangi hayot uchun, Yangi Oʻzbekiston uchun!" shiori ostida davra suhbati boʻlib oʻtdi. ▪️ Tadbirda Sharqiy harbiy okrug qo‘shinlari qo‘mondonining o‘rinbosari, Oʻzbekiston Respublikasi Mudofaa vazirligi huzuridagi Jamoatchilik kengashi raisi, harbiy xizmatchilar, kinoijodkorlar va  jamoatchilik ishtirok etdi. Uchrashuv tusini olgan mazkur tadbirda Xalq va armiya birdamligini ifodalovchi Vatanparvarlik tadbirlari, festivallar xalqimiz ongu-shuurida, kelajagimiz egalari yoshlarda unutilmas taassurotlar qoldirayotgani tadbir qatnashchilari tomonidan alohida eʼtirof etildi. #Yangi_hayot_uchun_Yangi_Ózbekiston_uchun  

⚡️Sharqiy harbiy okrug qo‘shinlari Farg‘ona garnizonidagi harbiy qismda Mudofaa ishlari boshqarma va tuman (shahar)  bo‘limlari ofitserlari bilan o‘quv-uslubiy yig‘in bo‘lib o‘tmoqda. Mazkur yig‘in ishtirokchilarning kasbiy ko‘nikma darajasini oshirish, proffessional tayyorgarligini takomillashtirish maqsadida tashkil etildi.

▪️Sharqiy harbiy okrug qoʻshinlari Fargʻona garnizonidagi harbiy qismda Mudofaa vazirligi miqyosida oʻtkazilgan "Eng ilgʻor ishgʻol guruhi" musobaqasida gʻolib boʻlgan harbiy xizmatchilarni okrug qoʻshinlari qoʻmondoni general-mayor Aybek Saidov munosib taqdirladi. ▪️Tadbirda soʻz olganlar gʻolib harbiy xizmatchilarni ushbu musobaqada bor kuch va gʻayratlarini safarbar qilib gʻalaba qozonganini eʼtirof etdi. Shuningdek kelgusi Mudofaa vazirligi va xalqaro musobaqalarda  ham ishtirok etib yuqori natijalarni qoʻlga kiritishlari haqida iliq tilaklar bildirildi. ▪️Shundan soʻng, okrug qoʻshinlari qoʻmondoni general-mayor Aybek Saidov musobaqa gʻoliblarini faxriy yorliq va qimmatbaho esdalik sovgʻalari bilan taqdirladi. Harbiy orkestr jamoasining vatanparvarlikni tarannum etuvchi kuylari tadbirga ko‘tarinki kayfiyat bag‘ishladi.   Eslatib oʻtamiz  "Eng ilgʻor ishgʻol guruhi" musobaqaga “Forish” poligoni mezbonlik qilgan edi. Okruglardan jami 10 ta ishgʻol guruhi qatnashgan va Sharqiy harbiy okrug qoʻshinlari Fargʻona  garnizonidagi harbiy qism ishgʻol guruhi gʻolib boʻlgan.